كلمات نفوسنا تهدى

عشان نفوسنا تهدى ونسترجع محبتنا
أبنسى هالعتب والله وأبادر بالسلام
وأبحكي لجل تتبسم سوالفنا مواقفنا
ونمحي ما حصل كله ونحيا في سلام

أنا اللي بالحكي ببدا لجل تبقى حكايتنا
بقول إن العنا عابر وبضوي هالظلام
أبي شمل الغلا يلتم أبي نجبر خواطرنا
لأن كل همنا نبقى ونحيا في سلام

مدام إن الغلا أبدى قبل ناصل نهايتنا
بعانق روحك ونبضك بلا دمع وملام
وتدلل في فضاي وسم أنا وقلبي ومشاعرنا
أمانينا هي نحبك ونحيا في سلام