كلمات عابر سبيل Aber Sabeil
عابرسبيل فى الدنيا ديه مش لاقى بر
ومن اللى فيا بحس طعم الحلو مر
غلبان اوى وعايش بقول يا حيط دارينى
وفى سجن احزانى اترميت والاسم حر
انا حاجه ملهاش اى معنى وشئ بسيط
انا لعبة في ايدين الحياة مربوط بخيط
وجودى زى غيابى مبيفرقش حاجه
ولا طولت من الايام غنا ولا طولت صيت
انا عندى بس سؤال بسيط من كلمتين
ليه حطوا اسمى فى خانة المتعذبين
انا عندى بس سؤال بسيط من كلمتين
ليه حطوا اسمى فى خانة المتعذبين
انا جيت لاقيت الحزن فاتح حضنه ليا
وكأنى عايش عمرى كله بسد دين
عالجرح بصحى وعالهموم دايما بنام
رصيدى فى الاحزان كبير معرفش كام
والناس بتسأل دورى ايه في الدنيا ديه
معرفش دورى وادينى عايش والسلام
عابر سبيل
بيفتحوا ليه
ليه بس فى جروحى القديمة
شايفنى ليه
شايفنى حاجه قليله ولا ليها قيمة
الكل منى اتهربوا واتخلوا عنى
وكأنى واحد متهم عامل جريمة
ليه خليتينى سؤال يا دنيا مالوش اجابه
داعية عليا ودعوتك عالطول مجابة
هو انتي واجعى مريحك مبسوطة يعنى
ولا انتى كعبك عالى على الناس الغلابة
انا عندى بس سؤال بسيط من كلمتين
ليه حطوا اسمى فى خانة المتعذبين
انا جيت لاقيت الحزن فاتح حضنه ليا
وكأنى عايش عمرى كله بسد دين
عالجرح بصحى وعالهموم دايما بنام
رصيدى فى الاحزان كبير معرفش كام
والناس بتسأل دورى ايه في الدنيا ديه
معرفش دورى وادينى عايش والسلام
عابر سبيل