كلمات مش عدل ابداً

البعد لو كان باختيارنا كان هيبقى صعب
والأقوى والأصعب علينا انه يبقى غصب
كان هيبقى سهل أكتر لو فيه واحد فينا قصر
أو فيه واحد فينا يغدر أو مفيش اخلاص وحب

بس كده مش عدل ابدًا ليه منستناش شوية
مين هيسمع همى بعدك مين اللى هيطبطب عليا
كنا عارفين م البداية الظروف مش لصالحنا
خوفنا نجرح بعض لكن احنا الاتنين انجرحنا

كنت راسم كل حاجه كنت شايف شكل بيتنا
كل تفصيلة فى طريقنا كل أمنية فى حياتنا
ده احنا حتى اتواعدنا ع الأسامى بتوع ولادنا
كل ده ومفيش ف ايدنا غير دموعنا أو سكاتنا

بس كده مش عدل ابدًا ليه منستناش شوية
مين هيسمع همى بعدك مين اللى هيطبطب عليا
كنا عارفين م البداية الظروف مش لصالحنا
خوفنا نجرح بعض لكن احنا الاتنين انجرحنا