كلمات لمة رمضان

ألو

أنا عازم نفسي على الفطار
زودي المحشي والممبار
وطواجن لحمة بالخضار
ده أنا طالع عيني طول النهار

تيجي بالسلامة مستنياك
رمضان جمعنا وحشنا لقاك
هات وإنت جي العيلة معاك
الخير كثير من هنا لهناك

هل علينا هل، هل، هل
رمضانا طل، طل، طل
هل علينا هل، هل، هل
رمضانا طل، طل، طل

زينه وفوانيس في الشارع
والبهجة مالية كل مكان
هل علينا هل، هل، هل
رمضانا طل، طل، طل

أول مرة في رمضان ننساها ازاي يا جدعان
لمتنا وسهرتنا بتحلي وقتنا
طب بكرة معزومين عندي متجمعين
واللي هيغيب ويكنسل يبقى مش مننا
يبقى مش مننا، يبقى مش مننا

(هصوم ازاي أنا لسه صغير (صغير
أنا أخري العصر وكده، كده هفطر
لا إمسك نفسك بس شوية باقي ساعة ع المغربية
إنت بطل لازم تصوم وتمسك نفسك طول اليوم

مالكم ماسكين في بعض ليه
رمضان ده كريم ونسامح فيه
هنبوظ بس صيامنا ليه
إهدى شوية إنت وهو يا بيه

هل علينا هل، هل، هل
رمضانا طل، طل، طل

ماترد يواد يا حسين الليلة متجمعين
عندنا جايين قاعدين للسحور سهرانين
أنا طالع من التمرين ومش هاكل غير بروتين
لحمه وفراخ وحمام وبسرعة عشان جعانين

(وحوي يا وحوي (إياحا
(وفوانيس رمضان (إياحا
(بعد الترويح (إياحا
(ماتش يا جدعان (إياحا
لمة رمضان حلوا يا جدعان
وفي مصر كمان غير أي مكان

هصوم معاك أنا طول اليوم
رمضان ده لينا إحنا كمان
إحنا واحد مهما كان
وعزومتي عندك بكرة كمان
لو تختلف الأديان رمضان يجمعنا في كل مكان

(بعد الفطار التمر الهندي (والحلويات
(دي عمايل إيدي إسم الله عليّ (ست الستات
حد يناولني بس أذوق
سكره عالي طلع لفوق
إحنا في أيام مباركة خلاص ما تزعلوش
كلوا براحتكم بس خفوا ما تفتروش

هل علينا هل، هل، هل
رمضانا طل، طل، طل
زينه وفوانيس في الشارع
ونشغل كل أغاني رمضان

يا حلاوة رمضان فوانيس وزينة كمان
والبيت كله فرحان بدخوله علينا
يا حلاوة رمضان فوانيس وزينة كمان
والبيت كله فرحان بدخوله علينا