كلمات الطرف الكحيل Altaraf Alkahel

يا صاحبي شا إللي جرى واللي حصل واللي طرى

يا اغلى الأوادم وش بلاك عقب المحبه والغلا

هجرتني بد الملا وأنا الذي همي رضاك

من غير ذنب ولا خطأ ولا جفا ولا بطا

اقفيت والخافق معاك في صدتك وش السبب

ليه الجفا يا اغلى العرب مني الخطا ولا خطاك

يا راعي الطرف الكحيل ما عاد لي فالبعد حيل

عود عسى العالم فداك يا غايتي يا منيتي

لا لا تخيب هقوتي يا زين وأنا في رجاك

جعلت لك فالقلب بيت سكنت به من يوم جيت

وحدك ولا احد معاك غلاك عندي فوق فوق

يجري مع مجرى العروق ما به حد في مستواك

فرق الثريا والثرا فرقت عن كل البرا

في عين محبوبك شراك يالحب الاول والأخير

مالك مع العالم خشير والله يعلم عن غلاك

مالي بغيرك فالبشر واحد وتسوى لك عشر

مالي بغيرك يا ملاك يا زين يا عنق الغزال

والله يا حبك مايزال من قلب ودك واهتواك

فديت انا ذيك العيون ذيك المحاجر والجفون

سبحان من صور حلاك والخد براقّه لمع

والزين كله مجتمع في طلتك والله عطاك

زويت معلوقي زوي زوية خصرك المنزوي

وردتني عد الهلاك قربك ينسيني العنا

لا عاد تجفاني وأنا مالي من العالم سواك

يا اخر غرامي وأوله عليك ذابحني الوله

يسقى علي ساعة لقاك عود ولا تبطي ترى

عيني محاربها الكرا ما ذاقته سبة جفاك