كلمات قيراط حظ

قيراط حظ
ولا فدان شطاره
في دنيا ماشيه تلطش
وتحدف بالحجاره

الحظ منفض وناسينا
وامتى هيحن علينا
وبنشقى قد ما نشقى
ومافيش غير الخساره

دنيا ساقيه تلف بينا
تملي على كيفها تمشينا
ان نسينا الحزن ثانيه
بالساعات بتفكرينا

كل يوم حزن واذيه
امتى نفرح لو شويه
ياعم حظ اعطف عليا
انسى مره في يوم وجينا

ليه معاكس ليه تاعبنا
ياعم حظ معاك غلبنا
انسى مره ودق بابنا
دا احنا م الحزن استوينا

انقسمنا فيكي واحنا
من جروحنا بنتكسر
شوفنا فيكي كتير اسيه
والضحيه احنا البشر

كل حاجه بقت رضيه
حظنا دايما شويه
والغريبه لما نضحك
نلقى حزنك فينا غيه