كلمات ياذا النجوم

ياذا النجوم اللي شراتي سهارى
قولي لنجم الياه يطلع مع سهيل
خل أحبّه سر ما هو جهارى
ودي بشوفه واعسرتني المواصيل

لو كان حبّه وسط دمي تسارى
ألجم أحاسيسي كما لجمة الخيل
دايم عن عيون الوشاية حذارى
ماينال منه صاحب القال والقيل

له من الغلا روحي نهور تجارى
مثل الفرات ونهر دجلة مع النيل
مزيون من زينه يحير العذارى
أهيف زريف الطول حلو التعازيل

من عينه عيون العذارى غيارى
بو يادل جاني على الردف كليل
كل الحسن لا شاف حسنه توارى
غر ذبحني بالعيون المداليل

روحه لطيفه طيب ولا يجارى
الفاتن الي له بقلبي مداهيل
ياضي جبينه مثل شمس النهارى
يسني سنا خده ورى مرهف الشيل