كلمات احلامي

احلامك البجد مش هتجيلك وانت نايم
احلامى ان انام ومبقاش ف الليل فايق
احلامى بسيطة ان ابقى كل يوم رايق
احلامى ان فى بيتى افتح عينى وانا قايم

سيبك من كل دا فى احلام بجد
عاوز عيشة مرتاحة من غير هد
يبقى فى هزار مش طول الوقت جد
احلامى ارجع احس يبقى عندى دم

صوتى فى المايك شغال فى بنك
صيتى عالى واسمى عالى رن
عندى عربيات وبنات شغالة زن
عندى فلوس تشوفها تتجن

يببى عندى شركة فيها عمال كتير
عندى من غير قصد قصر كبير
من غير قصد بيبى مكانك السرير
قصدى هلبسك حديد مش حرير

نازل من البيت قابل كل الناس
شاب رايق لابس كتير الماس
شاب بيفطر فى استار باكس
شنط. سودة فيها صوت ازاز

احلامك البجد مش هتجيلك وانت نايم
احلامى ان انام ومبقاش ف الليل فايق
احلامى بسيطة ان ابقى كل يوم رايق
احلامى ان فى بيتى افتح عينى وانا قايم

بصحى من النوم بعد 3 ساعات
اوضة صغيرة و المايك و اللاب
يلا نعيد والتعيش فيه فيه تبات
مش تبات ونبات مش ولاد وبنات

عندك شغل تاخد منه فتافيت
بس عشان تعيش مش تعيس
يلا ع الشغل بطل شغل كلاليب
متحلمش تصيف يوم فى نيس

خسرت تعليمك عشان شغلك
خسرت اهلك عشان حلمك
خسرت كل حاجة متساويش نكلة
بقيت عايش بس من غير ملة

كوابيسك البجد هتجيلك وانت نايم
كوابسى ان انام و ابقى ف الليل فايق
. احلامى كبيرة زى ان اصحى يوم رايق
احلامى ان اصحى من غير منبه قايم