كلمات تتنفسك دنياي

مو بس أحبك أنا تتنفسك دنياي
وأتخيل إني وصلت المرحلة في الروح
خجلان من طيفك اللي متعبه وياي
من زود منته على بالي تجي وإتروح

الله لو تدري قلبي وش كثر مملاي
شوق لعيناك وشوق إلوجهك المملوح
وش قد أرتب كلامي لك قبل ملقاي
وش قد يضيع الكلام بشوفتك والبوح

غلاك عوقي وهو نفسه لعوقي إدواي
كن بعدك اليم ووصلك هو سفينة نوح
ما تبتهج نفسي إلا وإنت في يمناي
وما يلوي ذراعي إلا ضيقتك والنوح

وجودك بعمري شي مثل الهوى والماي
وغيابك أبسط تعاريفه شقا و جروح
رديت روحي برجوعك يا بعدي و مناي
ويالضحكة اللي أصير إلها فدا وآروح

لك يا هنوف الخصال محبةٍ في دماي
‏تملا بلاد الضباب اللي بشذاك إتفوح
كنت الحبيب و غديت اليوم كل دنياي
من توأم الروح إلين أمسيت إنت الروح

غلاك عوقي وهو نفسه لعوقي إدواي
كن بعدك اليم ووصلك هو سفينة نوح
ما تبتهج نفسي إلا وإنت في يمناي
وما يلوي ذراعي إلا ضيقتك والنوح