كلمات راعي الوشام

كل ما جت سيرتك جاني احساس رهيب
مقدر اعبر عن احساس قلبي بالكلام
وصحت لك بالصوت يا مهجتي لي ما تجيب
من سبايب هجر صوتك هجر عيني المنام
جيت لك عاني لو انك على بعدك قريب
يجبر القلب المعنى غلا راعي الوشام
اه من جرح تمكن بجوفي يالحبيب
حبك اللي ياسر القلب علقته وسام
جعل جرح من غلا نور عيني ما يطيب
فدوة له عمري اللي بقى سيد الانام
ماشكيت الجرح ابد لا ولا ابغى له طبيب
دامك انت اللي تسبب بجرحي ياسلام
صورتك لو تبتعد عن عيوني ما تغيب
مستحيل النور يصبح شبيه للظلام
فيك ظني يا منى العمر ابد لا ما يخيب
ومن عشق مثلي فلا ظنتي مثلي يلام
لو خذيت العمر واقفيت ابد مالك طليب
لك حياتي كلها بالوفا لك والتمام
باقي مادام باقي بقربي لك نصيب
ما قطعت الياس لو زاد شوقي والهيام