كلمات بخاف

كل أما أشوف عمري جري بيا بخاف
كل أما تدبل وردتي فيا بخاف

حتى في كلامي، حتى في غنايا
بتبان آلامي، بيبان بكايا
حتى أما بفرح

بخاف لا تموت الفرحة
بخاف من الدنيا الجارحة
بخاف لا الضحكة الحلوة
تبقى جناين أحزان طرحة
بخاف من توهة زمني
بخاف لا يرخص تمني
بخاف لا تضيع أحلامي
اللي شايفها عروسة بطرحة

دايمًا أحس إن أنا وحداني
مركب ما بترساش في مواني
رحال بيدور ع البر
أضحك وأنا بين نفسي وبيني
حزن العالم كله ماليني
غنوة جميلة بتنزف مر

حتى في عذابي، حتى في لهيبي
أقرب صحابي، كان مين داريبي
ده أنا من حبيبي

بخاف لا يبعني لغيري
بخاف على حبي لطيري
بخاف لا يجرح قلبي
بعد ما أحب بكل ضميري
بخاف لا تهون أيامي
بخاف لا يخون أحلامي
بخاف لا نهاية حبي
تطرح شوك وعذاب قدامي

كل ما أعد ساعات أفراحي
وأحسب آلمي وكل جراحي
أرجع في الآخر خسران
كل ما أحن لناس حبيتهم
قلبي يحس بشوق ناحيتهم
بيدمع مطرة أحزان

حتى اللي ليا، حتى اللي مني
لو حسوا بيا، لو حسوا فني
حتى أما أغني

بخاف من اللحظة الجاية
بخاف من طول لياليه
بخاف على كل حبايبي
أكتر من خوفي عليا
بخاف من حيرتي ويأسي
بخاف من روحي ونفسي
بخاف والخوف بقى دنيا
بني آدمين عايشين حواليا

كل إتنين حبيبين إتوعدوا
لازم واحد يجرح وعده
والواحد من كتر ما شاف
قربت أشك في إحساسي
وصحابي وأحبابي وناسي
بقيت من كل الدنيا بخاف

حتى في كلامي، حتى في غنايا
بتبان آلامي، بيبان بكايا
حتى أما بفرح

آه-ها بخاف
آه-ها بخاف

آه آه
آه آه
بخاف
بخاف
آه-ها
آه آه
آه-ها
آه آه
آه