كلمات سرق قلبي

ألا يا من سرق قلبي مع فكري وراح البال
‎وأنا اللي داريٍ بإني أبد ماني على باله

ألا يا من سرق قلبي مع فكري وراح البال
‎وأنا اللي داريٍ بإني أبد ماني على باله
‎سرقني سرقت الراهي ولا بقى أبد لي حال
‎خذا قلبي مع روحي خذا حالي مع حاله

‎أنا والله حسيب اللي غدا لي بالهوى ختال
‎يخاتل قلبي اللاهي يا لين إنه تهيا له
‎خذاني من غدا خصره ترسم مثل رسم هلال
‎وعودٍ لا تغريف به ينبه من غدا داله، غدا داله

‎أنا من عينه النعسى عرفت إن الهوى قتال
‌‏دخيل الله من رمشه إذا سلهم على فاله

‎أنا من عينه النعسى عرفت إن الهوى قتال
‌‏دخيل الله من رمشه إذا سلهم على فاله
‎يناغم خطوته كانه يداعب مشيته خلخال
‎يغازله الهبوب اللي يلاعب ثوبه وجاله

‎ثليل العين من حسنه تميز في طرفه الخال
‎وعنقن كانه الريمه ربط قلبي بسلساله
‎بقى حالي على حالي ولا بقى كثير أمال
‎ولكنه صحيح اللي سرق قلبه هنيا له، هنيا له