كلمات وصلتي

اغنية وصلتي ؟

واحشنى حد يقولى .. ايه طمنينى وصلتى؟
وف زعلى منه يقولى  .. مقدرش تبقى زعلتى

ارتاح له ولأفكاره .. ولجده قبل هزاره
و احس فيه من عيلتي
مايكونش عقله صغير.. ولا جى فيا يغيّر
ولا جى يتقل شيلتى

يفضل دايماً حواليّا .. مايسبنيش وانا تعبانه
ومااباتش دموع ف عنيّا .. ماينيّمنيش زعلانه

يسمع وانا بحكى مشاكلى .. يشاركنى ف كل حكايتى
اهتم عشانه بشكلى .. وارجع احبّنى ف مرايتى

انا عايزه حد حنيّن .. مايجيش عليّا يزود
م الأول ابقا بحبّه .. مش احبّه لما اتعوّد

طريقته تبقا مُريحه .. يجبرنى ابقا صريحه
مش اصارحه علشان لازم
عايزاه يكون ويّايا .. ظهر وسند وحمايه
اكتر كمان م اللازم