كلمات سطوري

ساعات بتكون الحياه دي ظالمة
و اللي إفتكرته نور بيطلع ضلمة
الواقع نار و الحلم جنه
خلاص يا دنيا جيبتي أجلنا
2×

عشموني ناسي كتير قالولي ان احنا هنبقى بخير
قالولي رفرف زي الطير و بكرة هتبقى كبير
و انا مكنتش عايز دا
انا كنت عايز أبقى
كنت عايز أبقى بعيد
بس الدنيا اللي سايقة

ياما لفيت فيكي ساقية
ياما قولتيلي إن انتي باقية
ياما قولتيلي انك مش لاقية حضن عشانك تضميه

صفّوا دمي يا أما خدوا مني كل شيء
خدوا مني الضحكة خدوا الطفل البرئ
بقيت لا شيء بعد ما كنت كل شيء
مِتهَمِّش مَهتَمِش مسمعتش كلمة تِبِلّ ريق

و انا مِداري ظِنوني اللي خابت في الطريق
وصلت عشان قالتلي كل شيء نصيب
يا دنيا لفي دوري خلي الكل يجرب دوري
جفوني جفت م البُكى جرحي بكتب بيه سطوري

انا المهموم و الضحكة دي بتعدي اليوم
لكن مديون بكدبة بتشد العيون
و ع العموم همشي خلاص خدت الهدوم
احنا في كتاب حساب ف لازم نرضى بالمقسوم

ساعات بتكون الحياه دي ظالمة
و اللي إفتكرته نور بيطلع ضلمة
الواقع نار و الحلم جنه
خلاص يا دنيا جيبتي أجلنا
2×

بين عيونِك و الشقىَ توهت كام سنه
نقطة اللُقا رجعتّنا لصفرِنَا
محدش كان في صفِّنا كلوا وقف ضدّنا
و تشهد الحروب إننا قومنا بنفسِنَا

طب اي اللي جرا
حقيقي فعلك جابني لورا
جابلي الأرق زاد و أتمرع فيها ، جاتكوا القرف ِ
و الغلط عندي انا اللي أسامح و كنت أعدي
كنت بدَّي حب بجد من قلبي انا جبت اخري

بس عارف
ليك انا مُمّتَنّ
كان بِدّي أريدك سيبت إيدك دا الغريب أحن
قربت أتجن ، أشوف صورك في كل حته
أسمع صوتك في كل جته ، خفّي في ودني كفاية ذن​

كفاية تلطيش عـ الوشوش مبقتش أشوف
مبقتش أحس بأي شيء لو حوليا ألوف
والحقد بان ده الجدع فيكم كان جبان
مش الشيطان الواحد بقى بيستعيذ م الإنسان

ساعات بتكون الحياه دي ظالمة
و اللي إفتكرته نور بيطلع ضلمة
الواقع نار و الحلم جنه
خلاص يا دنيا جيبتي أجلنا