كلمات أوصافك عجب Awsafek 3ajab

يا طويلة عنق ميذوبة حشى ردف وقطاه
يا تضاريس الجمال وكل ما ربي وهب

ان مشيتي مشي عز وخصر متناسي عشاه
ما لعب في عودج المياس يا غير المهب

انتي انتي كل شي في كل شي لاخر مداه
وانتي انتي كل شي في كل شي لكن صعب

يا نعومة خد طفل كل من باسه دماه
انتي في وصفك كبيرة واصغر اوصافك عجب

انتي يا كل الجمال وكل معنى للحياة
يا حياة الشاعر اللي قبل شوفك ما كتب

ويوم شافك صرتي انتي كل ترنيمة غناه
ما طلب مثلك وجيتي كن متمني وطلب

سولفي خليني اسمع صوتك وبحة غلاه
ويا حلاة حروف مرت بين شهدك والعنب

يا فديتك وانتي عمري مبتداه ومنتاه
وقبل اعرفك ما هو عمري بس وياك انحسب

انتي اغلى من عرفته واغلى من قلبي هواه
وانتي اغلى من عشقته واغلى من قلبي يحب

ما ابي غيرك ولا افكر ولا ادور رضاه
يكفي انك في حياتي صبح ما عمره غرب

هاتي كفك فوق كفي خلي يروى من ضماه
لان كفك به امان ولا ضما كفي شرب

وان سألتي كم احبك كبر هالكون وفضاه
وكثر قلبي في غيابك حس بالبعد وتعب