كلمات تايه
تايه مش داري ولا شايف مترين قدامي
و بداري في الضحكه احزاني و اتاري الدنيا دي رمياني
على بالي حواديت و حكاوي و انا ناوي احكيلكو الأمي
في دماغي الماده افغاني أنا بعاني بكتب في اغاني
شايف شده عايزه شده أشد من الشده اللي فاتت
كاره كل حاجه لسه بقيا من الحاجه اللي ماتت
دا طريق و اخره سد مش عاجبني و انا اللي سايق
سايب الجيوان يهد في كل جزء لسه فايق
و انا عارف اني جيت برجلي و مش جايلك مجبور
كنت تافه فاكر انك ممكن تداويلي الكسور
أو تعالجيلي الجروح أو تنسيني الهموم
بس طلعتي هموم و وهم و بتجيبي الهموم بالكوم
تايه مش داري ولا شايف مترين قدامي
و بداري في الضحكه احزاني و اتاري الدنيا دي رمياني
على بالي حواديت و حكاوي و انا ناوي احكيلكو الأمي
في دماغي الماده افغاني أنا بعاني بكتب في اغاني
اقتطم الكلام اجباري تبلع الموضوع
عمال انادي من زمان و لسه صوتي مش مسموع
وانا ولا الدموع لا لا مفيش رجوع
معنديش في القاموس مستحيل أو ممنوع
و انا شغال من غير برشام و اي محفزات
انتو محتاجين حاجات انا مش محتاج كلام
انا محتاج احتواااء و شوية فلوس
حلو رايك دا حطو في مكان اللبوس
في المنام جايلك كابوس انا جاثوم
كل اللي انتو بتقولو ملوش لزوم
بسهر اكتر من نجوم الليل و اكتر من القمر
طعم المر مش اخير بكرا هتدوق الامر
زميلي عملت عشانه خير كتير و في الاخر غدر
ندل لابس ثوب اصيل دا لو كان كلب طمر
و ع العموم كل الغلط حصل و دا القدر
اسف قلبي مش مناسب شيلته و حطيت الحجر
حاولت كتير معملش شر لكن مفيش مفر
بقيت متضر أضر عشان ابعد بعيد عن الضرر
قولت صحاب و عيش و ملح عشره كلو ضاع هدر
بس الاكيد مسيرها تسير و ترسي بينا في اي بر
حاسس ان انا في خطر ضميري فين ملوش اثر
بالمختصر شايف مصالح مش شايف بشر