كلمات على قيد الحياة
لو يرجع بيا الزمان والي راح يرجعلي تاني
والي ضاع من عمري كله هبتديه واعيشه تاني
كنت هعمل حساب لبكره كنت هبدا من جديد
كنت افكر الف مره قبل ما الاحزان تزيد
والقي نفسي خسرت نفسي والندم مبقاش يفيد
كنت هبقا حد تاني الخير ماليه
حد راضي بالي مقسوم بس ليه
والي ضيعته بايديه وبرضايه
كنت هعرف قيمته وهحافظ عليه
عمري كنت هعيشه في النور ويا ناسي
مش هخلي عشاني حد في يوم يقاسي
وادي ضهري للي خلي قلبي يقوا
خلاني اخسر نفسي وابقا عنيد وقاسي
كنت هجري علي امي وابكي وابوس ايديها
وابقا عايش عمري كله بس ليها
نفسي ترجع ليا ثانيه وتسامحني
ياما خليت الدموع تجري في عنيها
وانت يابا يالي كنت خايف عليه
شفت مني كتير وبرده نصحه فيه
كنت هسمع كل كلمه قولتهالي
وارمي من قلبي الي مات كل القسيه
كنت هبني حالي من الاول واحاسب
للاقي نفسي في دنيا قاسيه مليش حبايب
والي فاكره هيبقا سندي وهيساعدني
فجائه القاه بين ايديه ضعيف وشايب
كنت هعمل بيت صغير يبقا ليه
القا فيه ايدين تطبطب يوم عليه
كان هيبقا ليه حد عايش عشانه
حضن دافي يشيل همومي ولو شويه
بس اه وياميه خساره علي الي كان
عمره مابيرجع بضهره الزمان
ادي حالي الي معملتش حسابه
سابني وحدي بين عذاب واربع حيطان
الدموع في عنيه والي في قلبي اهه
ايوه ميت بس علي قيد الحياه
والي بكره هسيبه بعدي يبقا ذكري
ورقه بيضه اسمها شهاده وفاه