كلمات ٢ قهوة

اتنين قهوة ..
و نلفلف سوا ب العربية ..
و ايديك دول بين حضن ايديا ..
و تقوللي بحبك يا حبيبي  ..
م اللي بتبقى كدة على سهوة ..

اتنين قهوة ..
و الحب انا و انت بيجمعنا ..
و الجو جميل و مسقعّنا ..
يا سلام بقى لو حبة مطرة ..
و مفيش مانع لو نستهوى ..

اتنين حب على اتنين شوق ..على مشاعرنا ..
نسمة تعدي ب كل هدوء .. و تقشعرنا ..
غنوة ل سوما ف نص الليل ،، بتسلطنا ..

بص ف عيني ..
خليني ف قلبك متثبت ..
و امسك ايدي زيادة و تبت ..
انت و بس اللي مصبرني ..
ع الدنيا اللي بتشقيني ..

بص ف عيني ..
و اسقيني حنانك شبّعني ..
انا توهت و حضنك رجّعني ..
حسسني ب قيمة ايامي ..
و مفرحني و مهنيني ..

اتنين حب على اتنين شوق ..على مشاعرنا ..
نسمة تعدي ب كل هدوء .. و تقشعرنا ..
غنوة ل سوما ف نص الليل ،، بتسلطنا ..