كلمات يا كل فرحان بنجاحه
مليون مبروك)
ـــــــــــــــــــــــــــ
يا كل فرحان بنجاحه
مبروك ومية مليون مبروك
محلى النجاح وافراحه
رفعت راس امك وابوك
من بعد معاناه ومذاكره
وسهر لحد الصبحية
تعبك وسهرك جه بفايده
وكل نمرك نهائيه
يارب تنجح كده على طول
وحلم عمرك يتحقق
ولو مناك تطلع دكتور
مناك واملك يتحقق
مبروك يا ناجح لنجاحك
تستاهل انقولك مبروك
يارب تكتر افراحك
فرحت كل اللي يحبوك
يارب دايما كده في نجاح
فرحان وكايد عزالك
وتبقي ايامك افراح
وتعيش سعيد مرتاح بالك
طعم النجاح كله سعاده
بتنسي للناجح تعبه
لكل من عنده اراده
يشوف ثمار تعبه وسهره
دايما ابوك تعبان شقيان
ونفسه بس يشوفك فوق
وكل همه تكون فرحان
وراسك بيك مرفوعه لفوق
في الدنيا والله مفيش انسان
يتمنى تبقى احسن منه
هو الوحيد اعظم انسان
ابوك نجاحك بيهمه
العلم اقوى واغلى سلاح
يعيش معاك كل حياتك
اصل النجاح من بعد كفاح
بيعوضك كل ما فاتك
كلمة نجاح كلمة جميله
بهجه مفيش اجمل منها
تدخل على ايوها عيله
الفرح بببان ف عيونها
ـــــــــــــــــــــــــــ
يللي بنجاحك فرحانه
وطايره ف السما م الفرحه
يا رب دايما فرحانه
دايما سعيده كده وناجحه"