كلمات يا صديقي

يا صديقي كل حزن يفرح الشمات خبه
ودك إن اللي يعاني ما يقول إنه يعاني
لو بسولف بتعبي وأسمع اللي ما تعب به
كأني اللي حط فوق الجرح الأول جرح ثاني
الأكيد إن الليال أوضح من اللي كنت أحبه

والدموع أصدق من البسمات في يوم التهاني
لا تلوم اللي لقى الغربة ولا حن لمربه
وأنت واقف من ورا الأبواب وأسوار المباني

يوم شفت إن الصداقة مصلحة والحب هبه
قلت ربي لا تذرني فردا وتحفظ اخواني
واعتزلت الناس كأن بيني وبين الناس غبه
لا حبيب ولا صحيب ولا ضفاف ولا مواني

الحياة المستقرة والأمور المستتبة
والله إنها تغني من أحلام وآمال وأماني
كنت أمر بحزن لا يوصف وحال ما يشبه
جعل ربي ما يحط إنسان غيري في مكاني