كلمات وجه الغياب

وأنا رهين أطول طويلات الرقاب
أم العيون الناعسات الذابلة
في نحرها سلسلالها الألماس ذاب
والباقي ما أعرف حابله من نابله
كان العمر عنده علشان الغياب
أنا العمر عندي عشان أقابله

أنا في وجه الوصل عن وجه الغياب
والظالم اللي كل ظلمه قابله
أنا في وجه الوصل عن وجه الغياب
والظالم اللي كل ظلمه قابله
أشد له لو كان ما عندي زهاب
غامرت لعيونه عشان مقابلة
الصاحب اللي صاحبه لا جاه طاب
كأن المفارق في عيونه طاب له
اللي مواعيده مثل طرد السراب
متى مواعيده تزف مقابلة

وقته معي دايم مثل مقطع سناب
لا قلت أبى أشوفك يقول القابلة
والقابلة تعني سؤال بلا جواب
ما أدري وصالي ويش منّي جاب له؟
ما أدري وصالي ويش منّي جاب له؟

وأنا شبعت من السوالف والعذاب
من اللي غلاه فـي وسط قلبي ذاب له
ليته يعاتبني وأنا قد العتاب
لأن المحبة للمعاتب قابلة
فتحت له لـمواصلي عشرين باب
ويسدها بأعذار من قنابله
برق المواصل حال من دونه ضباب
لو لاح فـي القبلة ما سيّل وابله

وأنا رهين أطول طويلات الرقاب
أم العيون الناعسات الذابلة
في نحرها سلسلالها الألماس ذاب
والباقي ما أعرف حابله من نابله
والحب مثل الزرع لا هملته وخاب
وشلون تجني حب من سنابله
كان العمر عنده علشان الغياب
أنا العمر عندي عشان أقابله