كلمات الليلة

و أنا الليلة
مش لاقي الطريق
جوايا مفيش
و الأوضة بتضيق
و غير السواد اللي جوايا أنا مش حاسس
ليالي الشتا بتطول و برده قاتل
ضلام الليل مداري عنهم لوني الباهت
و لأجل اللقمة كاتم جوايا و ساكت
وقفت العقارب
و فضلت هنا ثابت
و أحلامي هنا تاهت
بين السحاب دي ساحت
وقفت العقارب
و فضلت هنا ثابت
و أحلامي هنا تاهت
بين السحاب دي ساحت
شديني
مبقيتش أحس إن أنا موجود
خليني أبطل اعيب او الوم
نفسي إن أنا بالعيشة موهوم
نفسي أطلع للسما و أطول
الليلة
مش لاقي الطريق
مش لاقي الطريق الدنيا عتمة بقالها كتير
و بسأل نفسي هو ده اللي كنت مستنيه
و مش بأيدي أختار
هو ده طريقي و الليلادي همشي فيه
شديني
شديني
لو روحي بقت نار
نسيني
الزمن دوار
خبيني
ماللي شافته عيني
بين الزمان بحتار
و أنا الليلة
مش لاقي الطريق