كلمات بوسايدون
جزر بعيدة في ضهري مسافر سايب عيشة أهلي ,
على امتداد البصر رحلة تعالجني من جهلي
سايب العار في الضل وع العراء اتنفس فخر
فالق صخر قاعد أكريت كون جديد في خيالي عقلي
وأرواح وحوش كان حاولوا يعدو في نفس السكة
أقل ريح خلتهم عبرة يمكن غرورهم كان التكة
روما طلعت بعيد والقارب قش الصانع غش لكن ربك باعتلي خطة تخلي أي سكة سالكة
مفيش حل غير من غير أسطول راكب موج بعرض وطول
انا قلبي بوصلة زي كولومبوس زاحف ع الوصول
مفيش خصوم ده بحر يخلي العابر حي مقتول
بس انا بوسايدون كل فرع ليه انا الأصول
ايه المجازفة أنا ميت تاني .. بعثة رحلة سابق اواني
أكسجينك دخل ثابت .. أكسجيني طموح اعاني
تحت انفاقي في قلب دارك قلب دارك مفيش معاني
اشوف في عينك صدمة هيبة وتمر العواصف وانا في مكاني
آه يا اسكندرية
لسا ولادة اسكندرية
آه يا اسكندرية
لساها أسطورة اسكندرية
حضرت حاضر قلب تاريخ بقت المدينة فضا
لا مجدهم ده رجعوه ولا عملوا لبكرة صدا
حيتان ونفقت على الشاطئ صارت حال ومضى
كله بطل .. نسمع نفس القصة .. ابتلاء وقضا
حاطط في اعتبارك بالتناوب هاتك عرضه ولأجل ذلك عينك تتجاهلني وخاطف بالك عازجه
داءك مستكتر الي فيا عايزه نفسك تاخده
بس لو تفهم الي فيا ده كله سم أنت مش أده وأنا..
مفيش حل من غير اسطول راكب موج بعرض وطول
انا قلبي بوصلة زي كولومبوس زاحف على الوصول
مفيش خصوم ده بحر يخلي العابر حي مقتول
بس انا بوسايدون كل فرع ليه انا الأصول
ايه المجازفة أنا ميت تاني .. بعثة رحلة سابق اواني
أكسجينك دخل ثابت .. أكسجيني طموح اعاني
تحت انفاقي في قلب دارك قلب دارك مفيش معاني
اشوف في عينك صدمة هيبة وتمر العواصف وانا في مكاني