كلمات معاكي M3aky

صورتك في دماغي من امبارح وبقول
امتا تكوني ليا
وانا قاعد معاكي بسرح وتوه
وعنيكي في عينيا
وانا معاكي ببقى حاسس ان انا طاير
وايديكي في ايديه
مستني تعدي الايام واديني صابر
يارب تكوني ليا
كاتب ليكي اغنيه
عايزك بيها تفتكريني
انتي كل الي ليا
وواقفه جنبي وبتشديني
ونفسي النصيب ميبعدناش عن بعض
خايف تكوني لغيري
وانا عارف ان انا صعب
واستحملتي كتير
كنتي على طول جنبي
معاكي ببقى مبسوط
وبتكوني واخده قلبي
وانا معاكي بقدر اهرب من الي انا فيه
وانا نفسي نكون لبعض يانصيب
خايف اطلع عايش جوه فيلم
زي فيلم اسف على الازعاج
ويكون كل الي شايفو مجرد حلم
او يكون كلامنا مجرد كتاب
انا الي كاتبه بأيدي وانتي خيال
وراسم كل احلامي والكلام الي بيتقال
ليه بقينا ساكتين ومبقاش فيه كلام
طول الوقت خايف تروحي مني انتي كمان
خايف تروحي مني
صورتك في دماغي على طول
بسرح معاكي وبتوه
امتا تكوني ليا على طول
لو ده كان حلم مش هفوق
مش عايز افوق من الي انا فيه
سكتي ليه طب روحتي فين
بقيت واحد تاني ومش عارف انا مين
اختارنا نبعد ونسبها للنصيب
ومن ساعتها انا مش عارف اعيش
ولا عارف ارجع للي كنت فيه
نفسي كلامي ده تسمعيه
نفسي نكون لبعض ده الي مستنيه
نفسي تكوني ليا