كلمات ليه يا قمر
✍️ كلمات: طلعت لطفي
🎼 ألحان: مجد القاسم
ليه ياقمر سبت السما بالطول والعرض
كان دا قدر تنزل وانا احبك ع الارض
خايف تندم علشان ضحيت
وسبت السما ونزلت وجيت
واسمعك تقول ياريت
ما كنت عشقت ولا حبيت
خايف يكون حبك ليا
نوع من الشفقه عليا
ويكون لي عندك حنيه
ولا عندك مشاعر بشر
وانت معايا نجوم غاروا
قالوا بعد ما احتاروا
خرج القمر من مداره
والعاشق ليله بقى نهاره
وليه تغيب وتسيب
نجوم السما وحدها
منين نجيب حبيب
يسهر ليالي يعدها
طول مانت غايب
ما بيحلى يحلى السهر
راح زمان الحبايب
والحب بياعه جبر
طبعك دايما تتغير
من حال لحال
ساعات تبقى بدر منور
ساعات تبقى هلال
خايف توحشك النجوم
ويفيض بيك الشوق
تسيبني اعاني الهموم
وترجع في السما فوق
ساعتها نفسي اشوف
القمر وقت الخسوف
وهو مختفي ومكسوف
عشان سابني وغدر