كلمات جرح المودة

رحت يم الطبيب اللي يداوي الجروحي
قال جرح الموده ما يسر الدوا به
قلت قلبي تكلف يالطبيب النصوحي
قال طبه مع اللي ولعه واشتقى به
قلت بالله تجمل دلني وين اروحي
وين ابلقى علاجي و الاداوي تشابه
اول الليل اهوجس واخر الليل انوحي
وا عذاب المولع بالهوى وا عذابه
صابني بالعيون والحجاج الذبوحي
واحمر المبسم اللي ما يعالج صوابه
منك روحي خطيره ياحبيبي تروحي
الهوى يذبح العاشق وهو ما درابه
ليت عينك تشوف وليت مسمعك يوحي
يوم انادي ودمعي مثل وبل السحابه
اه من واهج اه باقصى الضماير يفوحي
كل ماشرب عليه الماء يزيد التهابه
يا حبيبي علامك بالمواصل شحوحي
ارحم الي معاك ما جابه الورق جابه
جاك علم الصحيح وراح هرج المزوحي
كل شي الا التفرق ماحسبنا حسابه