كلمات وينك

وينك نهار اشتاقتك عين مغليك
ما شفت منك الا خيال وبقايا
ذكرى تجيبك لي وذكرى توديك
سراب طيفك ما يبرد ظمايا

وان شط فكري لك وجا في حراويك
طاحت ركابه دون وصلك ونايا
كم رغبة تصرخ في صدري تناديك
ما اوحيت في صدرك لصدري حكايا

يا جرح روحي كيف ضاع الرجا فيك
وانت اول احلام الهوى في سمايا
ترمي بي احلامي على جال واديك
واظم طيفك يا مليح السجايا

عن حب غيرك قيدتني معانيك
لو كنت يالغالي كثير الخطايا
بشتاق لك ما دمت انا حي وارجيك
لين انها دونك تحول المنايا