كلمات بكيت

بكيت من كثر المصايب وونيت
مافادني يا ناس كثر الونيني

مامر يوم في حياتي تهنيت
واشقاني الله في بداية سنيني

ماجتني الدنيا على ما تمنيت
ولا غثاها قبته ما يجيني

لو ينفع المضيوم ترجيت ياليت
انا اتمنى الموت لجل يجيني

ياما من اللوعة مع الورد غنيت
وعبرات قلبي سابقة دمع عيني

وافرح الا مني عن البيت صديت
انسى واناسي خاطر مبتليني

دايم الا من اقبل العيد قفيت
والكل يفرح به وقلبي حزيني

يلتم شمل الناس من عقب تشتيت
وانا طوتني غايرات السنيني

فقدت انا طعم الفرح ما تهنيت
سبه زعل ما بين رمشي وعيني