كلمات زي الربيع

زي الربيع ما يهل
زي القمر مايطل
زي الندى ما يرد الروح
الدنيا تظحك ورد وفل
هليت يا روح الروح
رديت في قلبي الروح
زي الربيع زي الندى زي الحياه
زي الربيع زي الندى زي الحياه

ياما قالولي في الهوى حكايات
وسمعته في المواويل وفي الروايات
وابات وانا قلبي ذايب شايل هموم الحبايب
واقول لقلبي يا قلبي نسال عن الحب ليه
ان كان ذا حال اللي حبوا احنا هايجرالنا ايه
وانا لسه بكلم قلبي بصيت ولقيتك جنبي
من غير تفكير رديت لما لقيتك هليت

الله يجازي اللي قالوا عن الهوى وعن عذابه
سنين طويله بيحكوا عن اللي دابوا ما تابوا
ورسموا صوره حزينه للحب قدام عينينا
خلونا عايشين سنين بنغني موال حزين
وفي عز فرحتنا نشكي ونقول يا ليل
والحب هوا الحياه هوا دليل اللي تاه
ومهما طول غيابه القلب يستناه

انا قلبي كان طاير بالف جناح
بيلف ويدور مساه وصباح
كان ليله من غير قمر
ونهاره سكه سفر
والرحله طالت بيه وفين يرتاح
ويغني للدنيا تسمع
ويغني للشمس تطلع
وينادي للحب يرجع
يرجع اللي راح

وفي يوم من غير مواعيد اجمل من يوم العيد
بصيت ولقيتك جنبي نورك بينور قلبي
وسمعتك لما ناديت
من غير تفكير رديت
لما لقيتك هليت