كلمات مامتي
قالو كانشبه ليك ياما
واخدا حروفك فالزين والهمة
نفس الصوت و نفس النغمة
بنتك انايا و خارجة ليك
كيقولو نسخة منك
فالطيبة وخفة دمك
وراك يامي كيف ضلك
ولدك انايا و عايش بيك
و عيونك نفس عيوني ياما
خلات الناس كاملين فحيرة
ملي يشفونا انا و نتي ياما
يحسابوك غير ختي الكبيرة
قلبك الحنين مكاينش بحالو
شعرك حرير يخطف القلوب
والضحكة الزينة كلشي واخد بالو
بحال الشمس ماليها غروب
اه يا مامتي نتيا روحي
نتيا روحي نتيا حبيبتي
اه يا مامتي راحة قلبك
هيا راحتي
الكلام الزين خديتو منك يابا
عزيز الروح معروف بالكلمة
فيما مشيت تابعني عزك يابا
مايفارقنيش حتى فالحلمة
عارفة ريحتك وحتى خطواتك
وانا صغيرة نجي ونحليك الباب
كانشوف الفرحة يابا فعويناتك
عمر الحب علينا غاب
من الشوفة عرفوني ولدك يابا
الغيرة ديالك والهيبة وسط الناس
عيونك الكبار الضحكة شابة
باقي الزين واخا شاب الراس
ديما مفرحنا وعمرك حرمتينا
ربيتينا كبرتينا فالخير
قريتينا فالدنيا وعلمتينا
وحضنتينا بقلبك الكبير
اه يا مامتي نتيا روحي
نتيا روحي نتيا حبيبتي
اه يا مامتي راحة قلبك
هيا راحتي