كلمات صوره بلا صوت
✍️ كلمات: جاسم الماس
🎼 ألحان: جاسم الماس
ياللي عيونك كانها سكرات الموت
تاخذ ولا ترحم احد في قضاها
شليتني بالحب صوره بلا صوت
ياكيف لو صوتك سمعته وضاها
خليتني من بين لا مالي مكبوت
ودعيتني بين الظنون ولظاها
شبيت فكري عود ودخن بيوت
لامستها بروح تلامس فضاها
في عودك المبري شقى العمر منحوت
وفي مشيك السحري جمالك تضاها
في ثغرك السكر وفي شفاتك التوت
من وجنتك النار تاخذ شضاها
في طول عنقك تحبي الريح وتفوت
وفي وسع نحر تنطوي من غضاها
انت الموسيقى تعزفك في الهوى نوت
دون السنين الحاضر وما مضاها
هيئة جمالك بسمها الشعر منعوت
تقبل عليك الروح تسبق عضاها
يا فايق اجمل جميلات بيروت
بالحسن ياحسن العيون ورضاها