كلمات حضري فستانك
✍️ كلمات: سعد جوده
🎼 ألحان: سيد راضي
امسكي اعصابك
من الفرحه
حضري فستانك
والطرحه
الليله حبيبتي خلاص رايحه
على دنيا جديده واحلى حياه
الدنيا اخيرا
جمعتنا
مع بعض وكملت
فرحتنا
هنغني ونرقص براحتنا
ده اليوم دا اللي احنا بنستناه
ماتخيلتش كده بامانه
شوفتي ازاي الناس فرحانه
كله بياخد سيلفي معانا
شوفتي صحابنا بيعملوا ايه
اللي بيرقص واللي يغني
واللي يبارك واللي يهني
واللي منك واللي مني
فرحانين للي احنا فيه
اول ما قبلتك قلبي اتشد
ووقعت في حبك مش عالارض
وضحكتي وبان في عنيكي الرد
وفتحتي الباب على طول ليا
وجريت على اهلك طوالي
واختارتك تبقي ام عيالي
وده احلى قرار بالنسبالي
وانا وعد لاشيلك في عنيا
اختارك قلبي وخدت قرار
وبقيت شغال انا ليل ونهار
اصل الموضوع دا مافيهش هزار
انا كلمتي وحده وقد القول
من مهري بحضر للشبكه
عفش وتشطيب دي كانت ربكه
عدت على خير نيتي سالكه
ما اهو اللي يصبر ياما ينول