كلمات ياريتنا 2

حبيت و جالك يوم و اتباعت
و لما ضيعت ملقيتش جنبك حد
هيَّ كدا مش هتضحك كُل مرة
هتبقى فـ ايدك يوم و عشرة هتبقى برة
‎ياريتنا كُنّا بيعنا  كُنّا سيبنا
كُنّا آذينا كُل حاجة كانت فـ ايدنا
‎ابعد عنهُم هيقربوا قرب منهُم يبعدوك
اهملهُم بيك يهتموا اهتم بيهُم يهملوك
‎كُل حاجة ماشية عكس فـ متديش امان
بنحب اللي بيكرهنا و اللي بيكرهنا بيتخان
‎طيبة! مفيش حد فـ زمانّا طيب
اللي طيب هتبان حقيقتُه قُريب
‎لأ، انك تسامح تاني لأ
‎جُم عليك كتير و ياريت جُم بـ حق
حافظ اعذارهُم و قادر اني اسمع
مكتوب عليَّ انام و كُل يوم اكون مدمع

‎ياريتنا كُنّا بيعنا كُنّا سيبنا
‎كُنّا آذينا كُل حاجة كانت فـ ايدنا
‎بنعيش و نشوف ايام ماليها خوف
‎من لحظة خايف فيها اللى منك  يروح ..

‎انا صاحب السعادة انا المجنون كـ العادة
‎ايام ما كُنت طفل دلوقتي مليان كآبة
‎حبيتها .. كانت مليانة عيوب كتير
‎حاولت اعيش مع غيرها ملاقيتش غيرها بديل
مش كُل كلام الحُب يتصدق بالعيون
‎فـ ناس تديهُم كُل حاجة بس تحب تخون
‎زحمة و الدُنيا توهنّا فيها
‎لو باقي منك حاجة حلوة نصيحة مني اخفيها
‎يمكن تعيش معاهُم بس وحيد
‎صاحبك هيبيعك  او ملاقاش منك جديد
‎و تعيد نفس المشهد و نفس القصة
‎و لسه لللي بتحبك بردو مش حاسسها
‎فوق .. الوهم بيخليك مخنوق
‎طول ما انتَ مغمض عينك مش هتشوف الشروق
‎فاتت سنين و اتعلمت معنى القسوة
‎و غلطت كتير عشان ملاقيتش اللي بيحاسبك

‎ياريتنا كُنّا بيعنا و كُنّا سيبنا
‎كُنّا آذينا كُل حاجة كانت فـ ايدنا ..
‎بنعيش و نشوف ايام ماليها خوف
‎من لحظة خايف فيها اللى منك يروح .