كلمات الفراق

الفراق مو بالمسافه
اللي بيننا و انت بعيد
الفراق هو انت عندي
وانا احس انك بعيد
والسكوت يطعني سيفه
وبعدك لجرحي يزيد
هذي هي قصه عذابي
شلون تريد اكون سعيد
ما ابي غير ابتسامه
ولمسه تعطيني الامان
ذوب احساسي بوجودك
ولمسه تغمرني بحنان
اطوي بالحب المسافه
خذني بجناح الزمان
انا منك و انت مني
لوحه في احلى مكان
حرك احساسي بنظره
تملك الروح اللي فيني
اطلب الدنيا عطيتك
كل اوراق و سنيني
المشاعر باحلى صوره
والحنين بينك و بيني
همسه منك ضحكه مني
نظره من عينك لعيني