كلمات لد النظر

يا واسع العينين لد النظر يكفيني من الزين نظرة
شفتك وحالي بعدكم في خطر عمري معك والعمر مرة
مشتاق لك وبنتظر وأنتظر صحّيت وسط القلب جمرة
إرحم محبك يا وسيع النحر يا عينه وقلبه وعمره

في الحب تامر يا حبيبي آمر ملكت بحره وبره
الحب لك يا زين سر وجهر وما ارضى عليكم بالمضرة
كاس المحبة لو مليته خمر شربت لك حلوه ومره
رمشك رماني يا جميل النحر وأنصبت به تسعين مرة
وأنصبت به تسعين مرة

من نِحل خصرك لارتكاز الصدر للموت يوم أقبلت سكره
يا شاطي الراحة يا غبة بحر لوله ومرجانة ودره
ريم الفلا غظ النهد لا ظهر غطى على نجم المجرة
الخد مدري شمس ولا قمر فارق عسى الله لا يضره

في الحب تامر يا حبيبي آمر ملكت بحره وبره
الحب لك يا زين سر وجهر وما ارضى عليكم بالمضرة
كاس المحبة لو مليته خمر شربت لك حلوه ومره
رمشك رماني يا جميل النحر وأنصبت به تسعين مرة
وأنصبت به تسعين مرة

الهم والضيقة وطول السهر لامر طاريه وذكره
اليوم بغيابك حبيبي شهر قلبي ما أحد غيرك يسره
ما عاد فيني للمفارق صبر تعبت أعاتب واتشره
لد النظر يا هو لد النظر يكفيني من الزين نظرة

في الحب تامر يا حبيبي آمر ملكت بحره وبره
الحب لك يا زين سر وجهر وما ارضى عليكم بالمضرة
كاس المحبة لو مليته خمر شربت لك حلوه ومره
رمشك رماني يا جميل النحر وأنصبت به تسعين مرة
وأنصبت به تسعين مرة