كلمات موعود

موعود معايا بالعذاب موعود يا قلبي
موعود ودايما بالجراح موعود يا قلبي
ولا بتهدا ولا بترتاح يا قلبي
وعمرك ما شفت معايا فرحه
كل مره ترجع المشوار بجرح
والنهارده جي تقول انسى الاهات
جي تقوللي يللا بينا الحب فات
وميل وحدف منديله كاتب على طرفه اجيله
وامانه يا دنيا امانه تاخدينا للفرحه امانه
وتخلي الحزن بعيد عنا
وتقول للحب استنانا استنى
تاني تاني تاني ح نروح للحب تاني
والنار والعذاب من تاني
وتاني تاني تاني
ح نروح للحيره تاني تاني
ونضيع ونجري ورا الاماني
ويغيب القمر ونعيش السهر واهات الالم فى ليالي الندم
يا ليل يا حضن السهارى
ياللي شفت فى عنيه الدموع
وانا دايما راجع وحيد
ياليل ياحضن السهارى خلي فجر الحب يطلع بدري
يملا مشوارنا الجديد
وامانه يا دنيا امانه تاخذينا للفرحه امانه
وتخلي الحزن بعيد عنا وتقوللي للحب استنانا
وميل وحدف منديله ميل كاتب على طرفه اجيله
وامانه يا دنيا امانه تاخدينا للفرحه امانه
وتخلي الحزن بعيد عنا وتقوللي للحب استنانا استنى
وابتد وابتدا المشوار
واه يا خوفي من اخر المشوار اه يا خوفي
جنه ولا نار اه يا عيني
رايح وانا محتار اه يا خوفي
واتقابلنا والحياه قدام عنينا حلوه
واتقابلنا والكلام فوق الشفايف غنوه
كل حاجه فكرت فيها فى لحظه واحده ردت عليها
بنظره حلوه من عينها
الامان فى عنيها حسيت اني عديت للامان
الحنان خد مني وادفى ياللي محروم من الحنان
والقمر طلع والخوف بعد والهوى دفي والليل سمع
امانه يا دنيا امانه تاخدينا للفرحه امانه
وتخلي الحزن بعيد عنا وتقوللي للحب استنانا استنى
ميل وحدف منديله
شوف بقينا فين يا قلبي
وهي راحت فين
شوف خدتنا لفين يا قلبي وشوف سابتنا فين
فى سكه زمان راجعين فى سكه زمان
فى نفس المكان ضايعين فى نفس المكان
لا جراحنا بتهدا يا قلبي
ولا ننسى اللى كان يا قلبي شوف
بتصحي الطريق خطاوينا وانين السنين
والسما بتبكي علينا والناي الحزين
حتى نجوم ليالينا والقمر غايبين
وتاني تاني تاني راجعين انا وانت تاني
للنار والعذاب من تاني
وتاني تاني تاني راجعين للحيره تاني
هايمين بنجري ورا الاماني
ويغيب القمر ونعيش السهر واهات الالم فى ليالي الندم
وامانه يا دنيا امانه تداوينا من جرح هوانا
وتخلي الحب بعيد عنا ولا نستناه ولا يستنانا
امانه