كلمات سامحني يا حبيبي

سامحني ياحبيبي مش قصدي اجرحك
لما بقولك نبعد وننسى حبنا تسالني ليه
ح اقولك عشان اريحك و ياريت قلبي يطاوعني
وارتاح كمان انا خبيت عليا ليه سرك من الاول
وسبت لي الطريق يحلو ويطول
انت كان لك ماضي قبلي
وعرفت غيري وحبيته
والماضي ده جاني و قاللي
واداك حياته واديته
وعشان كده كان لازم افكر
قبل ما احبك اكثر واكثر
لو حبك الماضي صحي
وتلاقي روحك بين حبيبين
ح يبقى فين انا مطرحي
وساعتها ح اروح من جرحك فين
سامحني يا حبيبي
بتحلف وبتقول ليا
ده كله ماضي وصبح ذكرى
واعيش انا ليه مع صورة
جايز تنده عليك بكرة
اضمن منين الامان
مع ذكرياتك زمان
والقلب عمره ما بينسى
بيسيب علامة ولو همسة
بيلوموني وبيسالوني ماضي هواك ليه مخوفني
وقلبي ليه محتار اقول يا ناس افهموني
ليه ما قاليش وصارحني من اول المشوار
لكن انت كذبت عليا
مانت اول حب ليا
ايوه حبيتك حب فرحني وسهرني وهناني
ايوه حبيتك
حب مش ممكن يكون في الدنيا له ثاني
بس مش ح اقدر اكمل الطريق وياك
خطوة ثالثة ماشية جنبي تشاركني هواك
وعشان كده كان لازم افكر
قبل ما احبك اكثر واكثر