كلمات هتفضل مش ناسينى

مجتش لحد عندي عشان وحشتك للأسف
مشاهد كل يوم تتعاد ومابتبقاش صُدَف
فراغ حَسّيت بيه من جُوّاك وخايف يقتلك

ملكش في قلبي تاني رصيد ما أنا إديتك فرص
وخدتها من قصيرها عشان مندخلش في قِصَص
وصلت لدرجة إني بجد كاره أبُصلك

هتفضل مش ناسيني البعد عارفه بيضعفك
وبقيت مجهول في عيني وحاسس إني ولا أعرفك
دة إحساس إني مش راجع لوحده مخوّفك

مسبتش ليك حاجات تديك مساحة من العشم
ماسيبتش غير وجع قلبي وإحساس بالندم
على عِشرة وثقة ماكانتش يوم في مَحَلّها

عينيك في الأرض طبعاً مش هتنكر كل دة
مكنش في داعي تحرج نفسك أكتر من كدة
أكيد وصلت رسالتي في كل كلمة أنا قولتها