كلمات أنا مش عارفني Ana Msh Aarefni

أنا مش عارفني أنا تهت مني أنا مش أنا
لا دي ملامحي ولا شكلي شكلي ولا ده أنا

أبص لروحي فجأه لقيتني كبرت فجأه
تعبت من المفاجأه ونزلت دمعتي
قوليلي إيه يا مرايتي قوليلي إيه حكايتي
تكونش دي نهايتي وآخر قصتي

أنا مش عارفني أنا تهت مني أنا مش أنا
لا دي ملامحي ولا شكلي شكلي
ولا ده أنا ولا ده أنا

يا دنيا طفيتي شمعي
يا ناس كترتوا دمعي والعمر راح هدر
كتبت الـ آه بقلمي
كسرتوا سن قلمي وبرضه بقول قدر
حزين من صغر سني ومين عـ الآه يعيني
ووخداني الخطاوي لسكة تايهة مني

أبص لروحي فجأه لقيتني كبرت فجأه
تعبت من المفاجأه ونزلت دمعتي
قوليلي إيه يا مرايتي قوليلي إيه حكايتي
تكونش دي نهايتي وآخر قصتي

أنا مش عارفني أنا تهت مني أنا مش أنا
لا دي ملامحي ولا شكلي شكلي
ولا ده أنا ولا ده أنا

يا ليل الجرح يا اللي
معايا زي ضلي مآنس وحدتي
سرقت العمر كله خلاص مبقاش فاضلي
غير جرحي ودمعتي
جريح وده مش بيدي مخدتش بس بدي
زرعت يا ناس ورودي جنيت الشوك لوحدي

أبص لروحي فجأه لقيتني كبرت فجأه
تعبت من المفاجأه ونزلت دمعتي
قوليلي إيه يا مرايتي قوليلي إيه حكايتي
تكونش دي نهايتي وآخر قصتي

أنا مش عارفني أنا تهت مني أنا مش أنا
لا دي ملامحي ولا شكلي شكلي
ولا ده أنا ولا ده أنا