كلمات قامت قيامه
قامت قيامة غلانا وأنت ما تدري
في غيبتك عن عيوني قامت قيامة
ماهيب في الكون يا أغلا الناس في صدري
مابين شوقي وبين الصد وإجرامه
في الروح ساكن وفي وسط الدماء تجري
وإجرام صدك على خد الغلا شامه
وإن طال صدك وبعدك ما نفذ صبري
قلبي يسوق الغلا والصبر قدامه
حكمه وقد قالها العشاق من بدري
من يسلب القلب يقـدر يسلب أحلامه
يامتلف الروح حبك في الحشا حصري
وقلبي على درب حبك متعب أقدامه
لو مات حبي بقلبك ما نقص قدري
يبقى على الجرح قلبي شامخ الهامة
وأن ماتبي القرب يا أغلى جرح في عمري
إنساني أحسن ودفن الميت إكرامه