كلمات فرح الحلوين
و الكل مزقطّطين
كلنا مستنّيين
اليوم ده من سنين
**فرح الغاليين**
أحلى وأجدع اتنين
و أخيرًا بقوا عُروسين
فين الزغروتة فين؟
الفرحة مش سايعاني
وانتو الاتنين قدّامي
ياما اتمنّينا اليوم ده ييجي
والحلم… اهو بقى حقيقي
إن شاء الله العمر كله
تفرّحوا فيه وتتهنّوا
ومهما كان ترقصوا وتغنّوا
مع بعض زي الليلة دي
---
**ألفين مبروك!**
يا عريس ده انت مبروك
هنيها وما تزعلها
دي أغلى من الدنيا بحلاها
وانتي يا عروسة
كلمة ليكي مخصوصة
عريسك ده في عينيكي
ما خلاص… بقى بين ايديكي
---
**ناحية العروسة**
فين الزغروتة؟
**ناحية العريس**
فين التهييص؟