كلمات سيرة المدح Serat Almadh
على المرقب اللي يطرخ برجمه الهباب
مذبه يهد الحيل ويقطع انفاسي
رقيته وشعشاع الشفق باقي ماغاب
وضواني ضلام الليل في قمت اراسي
مذب الرجوم يحضر اهجوسي الغياب
وهواء الغربي اليا هب يءثر على احساسي
يمر الهواء في ثومة القلب كنه داب
واعيف الجلوس بديرة نورها طاسي
تقول ان بين العوج وضلوعها مشهاب
ليا جيت اخف اقدامي اطيح متواسي
يضيق النفس من زرة الثوب والقلاب
واناطح نسيم الليل ويضيق الباسي
تنقيت لي غفلً ماقد شق فيها الناب
وقلدت مطلاع ارقبتها بللماسي
قرايح قصيدي كنها الوابل الصباب
لا سبل على دار المحل والمحل قاسي
بعد مالعب فيها الدهر واقطعت الاشياب
تحول البدو صوبه ماتحتاج عساسي
بعد مابدا لازمك يامجري الهياب
كتبت القصيده فيك من هيض هوجاسي
الا ياوليد انته رفيقً عريب انساب
خويي وخوتنا قديمه على ساسي
بعد ما اتصلت وجاتني دعوتك وتساب
جميع اتصالاتك لاجتني على راسي
ذخرت القصيد اللي مثل قدحة الشبّاب
ومنجم ذهب صافي ماهو منجم انحاسي
على مدحتك ياراعي الطيب زان وطاب
ونثرت البيوت النادره فوق كراسي
عليك المدوح تجيك كنها من الطلاب
وتجيها انت كنك يا الكفو منهج ادراسي
من العزوه اللي وقعها يخلف الحراب
عتيبه مقر الجود وحمول الافراسي
تواريخهم لو تكتب تبهذل الكتّاب
وفعايلهم اللي قد مضت تذكر الناسي
دماسينً قومً من هقى طيبهم ماخاب
عليهم مدوحي فيهم اخماس واسداسي
على مدحتك يابو مسلم ذرا الوهاب
مدحنا عتيبه كلها وانته ادماسي
على ديرتك ماحن بنرجع لقوقل ماب
وعلى مجلسك نلقى المناعير جلاسي
اقوله وانا من لابةً مجدها غلاب
كبار الجموع اتروس ماهي بتنراسي
ياما خضبو سلة صقيلً بدمً راب
لاثار الرمك وارياق الاخصام يباسي
من مضيم قومً تنطح المقبله بحراب
هم اصل العرب قحطان ساسي ومغراسي