كلمات هلا بك

لفيتي و قرت عيون المسا بنورك وفاح الزين
تبارك من خلق حسنك وصلا ع النبي المختار
هلا بك وارحبي يا "امنه" يا شيخة الحلوين
هلا و قلوبنا اتردد عليك اسم الله والاذكار
تجين انتي وعلى زينك ياحي ارض بها تمشين
على دوسة قدمك ولاانعكس ظلك عليها وسار
على هالضحكة والطلة اللي كنها انخلقت من اللين
و وجهك و العيون اللي حلاها دوخ الاشعار
يا سبحان الذي ميز تفاصيلك بهالشيئين
حضور بهيبة الشمس و جمال برقة الازهار
وكمل زينك بحشمة ومعاني وجود واصل ودين
و صوت رقته ما تشبه الا نفة الامطار
دلالك رقتك طيبك عليك الحافظ من العين
وصوف مثلها ما ظن يصير ولا بعد قد صار
يابنت لو تبي القمره يقال الها فداك الزين
واذا ماتنهدى لعينك اجل وش خانة الاقمار
وهذا بعض وصفك والغلا ولاانتي مثلك وين
وانتي الراقية يا"امنه" ب ذوق و معاني كثار
وانتي بنت بو سلطان كريمة زاكي الجدين
"علي الحمراني"سمح الوجه وزبن المنتخي والجار
الٰهي يسعد فوادك في ظل"احمد"عمر وسنين
هذاك الوافي الحر اللي بك فاز و عرف يختار
وعسى الله يديمكم في خير وحب يجمع القلبين
وافراح "ال حمراني" جعلها دوم وتضوي الدار
يارب امين و يرزقكم من افضاله يارب امين
سعادة ما يعرف اعدادها الا عالم الاسرار
عدد ما سبحوا باسمه و طافوا بيته ملبين
وعدد ماصلت الدنيا على الهادي النبي المختار
تجين انتي وعلى زينك ياحي ارض بها تمشين
على دوسة قدمك ولاانعكس ظلك عليها وسار
على هالضحكة والطلة اللي كنها انخلقت من اللين
و وجهك و العيون اللي حلاها دوخ الاشعار
يا سبحان الذي ميز تفاصيلك بهالشيئين
حضور بهيبة الشمس و جمال برقة الازهار
وكمل زينك بحشمة ومعاني وجود واصل ودين
و صوت رقته ما تشبه الا نفة الامطار