كلمات نسيتني نفسك

نسيتني نفسك وانا اظن بنساك
كثرت مواعيدك وضاعن وعودك
عساك تلقى من يسليك ويسلاك
ولا تظن الحب كله وجودك
ياقلب لك من يستودك ويهواك
عندي شهود الحب وانشد شهودك
غلط المسمي يوم سما وسماك
اسمك على درب المحبه يقودك
انا الذي في كل يوم اتحراك
وخلفت هرجك كيف ضاعن عهودك
ليت اتهنا كل يوم برؤياك
متحمل يا زين ظلمك وكودك
سبحان من صور جمالك وسواك
يا زين طرافك ويا زين عودك
زايد جمالك ياهوى البال خلاك
تجعل صدودك عاده لك تعودك
متى يدورن الليالي والافلاك
وامشي على الرجلين واصل حدودك
يا زين شوفي لك ويا شين فرقاك
ياللي حمار الورد كنه خدودك
بالليل اهوجس والنهار اتحراك
مقدر على بعدك ولا اقدر صدودك
لو غبت عن عيني ترى القلب يرعاك
الشاهد الله بالدقيقه يرودك