كلمات على السلامه الحمدلله يمه Thank God you're safe, Mom

الحمد لله على سلامتك يمه
وما تشوفي شر يا اغلى الغوالي

بعد التعب الله شفاكي بنعمه
من جوده ومن رحمته ذو الجلالي

واسأله يشفيك دوم وادعيه بأسمه
يا الوالده حصه طوال الليالي

نورتي البيت بعد ما كان عتمه
بجيتك يا بعد روحي وحالي

وفرحنا بجيتك يا زود حجمه
تعجز على وصفه حروف الجزالي

وفرحة بناتك فيك والعيال يمه
واحفادك فرحةٍ تفوق الخيالي

شفاك من رب السماوات نعمة
الحمد له والشكر رب الجلالي

يا ام مطر والفرح ربي اتمه
وابنك فتح مطعم وصار فرح تالي

فباركي له وافرحي فيه يا امه
وبناتك تبارك وكل العيالي