كلمات متى ما جيت

متى ما جيت تلقاني على حطة يديك هناك
ورا باب الوله واقف متى ما جيت تلقاني

على كثر الكلام اللي بقوله في وعد لقياك
على كثر ارتباكي منك انا وين الله ادعاني

وش اللي جابني لدربك وكيف الوقت ما عدّاك
صراحه ما هقيت ان الصدف تنصاك بالعاني

مقادير السما قادت خطاويي على شرواك
ولا قالت ترى شرواه لا قاصي ولا داني

اشوفك مثْل غيمه والظما ماله دوا الاّ ماك
عسى الله يامرَك وتْطيح في قاعي وودياني

مثل ما قلت لك عجّل ولا تقصر علي خطاك
مثل ما اقول لك دايم متى ما جيت تلقاني