كلمات ما مل قلبك

ما مل قلبك من زعلنا إلى الحين
بنموت وإحنا ما عرفنا السعادة
حرام يعني بالرضا نعيش يومين
وإلا إنت شاطر في الزعل والنكادة

عطيتك أيامي مع القلب والعين
وخليت لك حضني حبيبي وساده
ماشي معك ما قلت رايح على وين
مالي معك قوه ولا لي إراده

حبك في قلبي يا حبيبي له سنين
وبعدك ترى ما نقص الحب زاده
تبي الصراحة إثنينا جد مخطين
كل واحدٍ فينا مصر بعناده

ترى الزعل وارد ما بين المحبين
بس الزعل هالمره طول زياده
زعلت لك كم يوم طيب وبعدين
إرجع قبل لا يصير هالبعد عاده