كلمات انا اعرف Ana A3raf
انه اعرف شغيرك والغيروك
رادو ابيناتنه يموت الهوه
عموا عينك من اجوا ما كحلوك
والعين ما تضل عين اذا راح الضوه
جنت كحله بناضرك وانت بجيت
وطيحتني وانت خدينك رمل
وجنت نار الدفتك لمن طفيت
تشيل برمادك كمت عمده وتهل
وانه كل هذا فلا كلت وحجيت
ولا بزع كلبي ولا منك يمل
عود دلوك الدرب بس ضيعوك
واخذو التمرات ونطوك النوه
انت عطشان وابد ما شربوك
يا سراب الي عطش منه ارتوه
انه ردت انساك بس شوكي جبير
ردت اكلك روح والفضها تعال
وانه جنحك لو ردت بيهن تطير
ليش بجناحك تحط بعدك شكال
هاي نزوه وتنتهي وباجر تزول
اسمعني مره واصفن لهذا المثال
انت يم عيونهم ما وجدوك
فلها كوره مغزلك شوفه شطوه
بس يراووك الجرف ما عبروك
همه صح شراع بس انت الهوه
وانه اعرف شغيرك والغيروك
رادو ابيناتنه يموت الهوه