كلمات عادي
هالليل تقيل… والشارع هادي
قعدة قهوة… وحدا عم يغنّي
بس بين الضحكة… وبين الحكي
الخوف مخبّى… جوّا العينين
والعالم ماشية… متل العادي
والقلب حاسس… شي مش عادي
كأنو طبيعي… كأنو عادي
والدني حولينا… مش طبيعية
نضحك شوي… ونخبّي الوجع
ونقول لبكرا… يمكن بيجي
درون بعيد… عم يقطع الليل
ضوّ الصاروخ… لحظة ويميل
والناس تكفّي… تمشي الطريق
كأنو الخوف… صار رفيق
كأنو طبيعي… كأنو عادي
والدني حولينا… مش طبيعية
نضحك شوي… ونخبّي الوجع
ونقول لبكرا… يمكن بيجي
الدني ساكتة…
والشارع فاضي…
والفكر تايه
بين مبارح وبكرا
كأنو طبيعي… كأنو عادي
والدني حولينا… مش طبيعية
بس رغم الليل… ورغم التعب
هالبلد بعدو… بدو يعيش