كلمات بعد سنة Baad Sana
من يوم ما بعدتي عني
كل حاجة اتقلبت أسود
بقرار كان غلطة مني
يومها كل دموعك نزلت
لسه فاكرك مش ناسيكي
مش ناسي نظرة عينيكي
بعدك عايش تايه
ضيعت لما سبت أيديكي
مش همانع تجرحيني
بس رافض تخدعيني
لسه حبك جوا قلبي
نفسي بس تسمعيني
مش قادر أصدق أني
خلاص ضيعتك من أيديا
كنتي في وقت حلم كبير
وأكتر حاجة حلوة فيا
كل يوم قلبي بيسألني
سؤال ب100 سؤال
أزاي قادر ع البعد
بس مفيش كلام يتقال
أفتكرت أنك قلتيلي
مش هقدر أعيش من غيرك
ماكنتش عايز أسمع
قلتي فين قلبك ضميرك
قلتلك أمشي وسبت أيديكي
الموت مش كلمة سهلة
قلتي للدرجادي شايف
حبنا حاجة مش مستاهلة
قلتي أستنى قلت لا
قلتي هكمل قلت خلاص
قلتي أنسى، أنسى أزاي
قلتي بحبك قلت وداع
نفسي أرجع لحظة
بس ليوم الوداع
كان جوايا قسوة كتير
الكل أشترى وأنا اللي باع
ماكنتش عارف أبداً
أني ممكن بعد سنة
ألاقي نفسي تايه
وأن أنا مابقتش أنا
قابلت بنات كتير
بس هما اتظلموا بذنبك
ضيعت وقت كبير
وأنا بدور فيهم عنك
يا ترى في حد يصالحك
لما تتوهي في وسط زعلك
حد يسافر بالساعات
علشان يسرح في ملامحك
عمال أضحك على نفسي
وأقول بكرة أحسن
بس راحت مني روحي
ومستني بكرة يتحسن
نهاري زي ليلي
مفيهوش أبداً جديد
أزاي أعدي يومي
وأنا عايش بعدك وحيد
تعبت أخبي حزني جوايا
وبردو باين في ملامحي
آخر ضحكة طالعة من قلبي
كانت طالعة معاكي أنتي
كنتي لما تيجي سيرتي
الفرحة تبان في عنيكي
أول ما بتسمعي صوتي
تنسي أي حاجة في أيديكي
سألوكي عني قلتي نسيتي
غيرتي كلامك أيوه قسيتي
دوستي على كل اللي بينا
وبعد سنة قويتي
لو قفلتي كل باب
هفضل أعشق في العذاب
لسه بدور ع اللي بينا
كفاية بقى طال الغياب
ماكنتش عارف أبداً
ممكن يجي عليا اليوم
اللي أسمع فيه في مكالمة
أنك مابتصحيش من النوم
ساعتها عدت كل حاجة
في شريط قدام عينيا
ليه حسيت بقيمة الحاجة
بعد ما ضاعت من أيديا
ويفيد بأيه الندم
بعد ما فارقت الحياة
خلاص مابقاش في أمل
واتقطع طوق النجاة
راح الفرح راح الحب
راحت كل حاجة معاها
عايش وحيد لا حزين
عقلي رافض أنه ينساها